Greining á augnþurrki

Greiningarferlið hjá Táralind er þrískipt. Fyrst er athugað hvort augnþurrkur er til staðar, síðan hversu alvarlegur þurrkurinn er, og að lokum er undirliggjandi orsök fundin. Þar sem augnþurrkur er margþættur sjúkdómur eru nákvæm próf gerð til að fá rétta greiningu.

Táralind notast við staðlaða spurningalista, hefðbundnar prófanir og tæknilega þróaðar rannsóknir við greiningu, í samræmi við alþjóðlegar leiðbeiningar TFOS (Tear Film and Ocular Surface Society) . Hjá Táralind fer sjúklingur meðal annars í Meiboms-myndatöku, lípíðagreiningu og, eftir þörfum, sérhæfða smásjárskoðun af hornhimnunni (confocal microscopy).

Spurningalistar

Táralind notar staðlaða spurningalista í greiningarferlinu. Listarnir kallast Ocular Surface Disease Index (OSDI) og McMonnies Questionnaire og hafa verið settir upp í spjaldtölvu sem auðveldar þér að svara þeim.

Hefðbundnar prófanir

Við notum hefðbundnar prófanir sem greina þurrk í augum, skerta táraframleiðslu og aukna uppgufun í tárafilmu. Til dæmis er blikkstarfsemi augans, sem og magn táravökvans og næmni hornhimnunnar, mæld. Einnig eru gerðar prófanir til að mæla uppgufun tára (tear break-up time) og táraframleiðslu. Hornhimnan er lituð með sérstökum litarefnum sem sýna hugsanlega þurrkubletti á yfirborði hennar og fitukirtlar augnlokanna eru skoðaðir.

Taralind prof

Ert þú með þurr augu?

Við höfum sett saman einfalt próf sem getur svarað því hvort þú sért með augnþurrk.
Taka prófið.

Taralind augnthurrkur

Hvað er augnþurrkur?

Augnþurrkur er ein algengasta ástæðan fyrir heimsóknum til augnlækna.
Lesa meira um augnþurrk.

meibomsmyndataka

Meibomsmyndataka

Meibomsmyndataka er nýjasta tæknin til að rannsaka útlit og þéttleika fitukirtlanna í augnlokunum. Fækkun kirtlanna er tengd vanstarfsemi þeirra.

Lípíðagreining

Greining á lípíðum er framkvæmd til að athuga þykkt olíunnar í tárafilmunni. Ef olíulagið er þunnt getur það þýtt að truflun sé á starfsemi Meiboms-fitukirtla.

lipidagreining

smasjaargreining

Smásjárgreining með confocal smásjá

Confocal smásjá sýnir byggingu hornhimnunnar og þéttleika taugafrumnanna í henni, en talið er að minni þéttni taugafrumna eigi þátt í augnþurrki. Þessi skoðun á best við ef sjúklingur hefur áður fengið sýkingu í hornhimnunna eða farið í sjónlagsaðgerð með laser. 

Hafðu samband og við aðstoðum þig

Starfsfólk Táralindar er með margra ára reynslu af meðhöndlun augnþurrks. 

Hringdu í okkur núna

577 1001

eða smelltu á hnappinn til að
senda fyrirspurn eða panta símtal.

Hafa samband